Tre herë medalistja e artë olimpike, Shelli-An Frejzer-Prajs ka njoftuar se do të tërhiqet pas Lojërave të ardhshme Verore në Paris. Në një intervistë me revistën “Essence” , 37-vjeçarja Frejzer-Prajs, një forcë dominuese në sprintin e femrave që kur fitoi medaljen e parë olimpike në vitin 2008, tha se po largohet nga sporti për të kaluar më shumë kohë me familjen e saj.
Tre herë medalistja e artë olimpike, Shelli-An Frejzer-Prajs ka njoftuar se do të tërhiqet pas Lojërave të ardhshme Verore në Paris. Në një intervistë me revistën “Essence” , 37-vjeçarja Frejzer-Prajs, një forcë dominuese në sprintin e femrave që kur fitoi medaljen e parë olimpike në vitin 2008, tha se po largohet nga sporti për të kaluar më shumë kohë me familjen e saj.
“Djal im ka nevojë për mua. Unë dhe bashkëshorti im kemi qenë bashkë që para se të fitoja në vitin 2008. Ai ka sakrifikuar për mua. Ne jemi një partneritet, një ekip. Dhe është për shkak të asaj mbështetjeje që unë jam në gjendje të bëj gjërat që kam bërë për gjithë këto vite. Dhe unë mendoj se tani u detyrohem atyre të bëjnë diçka tjetër, ” tha mes tjerash Fraser-Prajs.
Xhamajkania ka fituar tetë medalje olimpike dhe 10 tituj të kampionatit botëror gjatë karrierës së saj të dekoruar. E specializuar në 100 metra, Frejzer-Prajs fitoi medalje të arta olimpike në garë në 2008 dhe 2012 dhe përfundoi e dyta në Lojërat e Tokios, tre vjet më parë. E mbiquajtur “raketë xhepi” për shkak të shpejtësisë dhe gjatësisë së saj të vogël, ajo është bërë një prani e dallueshme menjëherë në pistë për shkak të flokëve të saj shumëngjyrësh. Pas lindjes së djalit të saj Zion në vitin 2017, Frejzer-Prajs fitoi tre tituj botërorë dhe dy medalje olimpike në Tokio./abcnews/