Pas plazhit dhe ekspozimit në diell, kur keni investuar në trajtime dhe kremra rigjenerues, vjen momenti i vjeshtës dhe temperaturave më të ulëta. Një cikël tjetër kujdesi ndaj lëkurës po përkthehet në një rutinë të popullarizuar në TikTok, e miratuar kjo nga dermatologët
Quhet “skin cycling” ose stërvitja e lëkurës që përgatit fytyrën për stinën e vjeshtës, me trajtime dhe kujdes disi më intensiv, por njëherësh edhe efektiv kundër plakjes.
Çfarë është “skin cycling” i lëkurës?
E zbuluar dhe përhapur për herë të parë vjeshtën e kaluar, kjo rutinë e kujdesit për lëkurën rikthehet fuqishëm këtë vjeshtë. Sekreti qëndron në kohën e aplikimit, gjithmonë në mbrëmje, shkruan Harper’s Bazaar.
I gjithë cikli i rigjenerimit dhe përgatitjes së lëkurës përfundon në katër ditë. Mbrëmja e parë i kushtohet eksfolimit; e dyta është nata e retinolit; e treta dhe e katërta janë të destinuara për shërim. Doza bujare kremi dhe serumi që hidratojnë lëkurën pas trajtimeve intensive.
Ky cikël lejon rutinën kozmetike që t’i përafrohet ritmit natyral të rigjenerimit të lëkurës dhe jep goxha shkëlqim.
Ashtu si gjimnastika për lëkurën, ky cikël është një mënyrë kujdesi për t’u kthyer në rutinën tuaj të bukurisë, pa e mbingarkuar fytyrën, citon Anabel.
Një balsam për heqjen e grimit, vitaminë C, kremra me retinol përtrajtimin e pjesës poshtë syve si dhe acid hialuronik për lëkurën në tërësi, janë vetëm disa nga elementët e kësaj rutine kujdesi për lëkurën.