Shkruan: Bekim Qoku
Qeveria LSDMV/ASH/PDSH, qeveri e mbajtur në këmbë nga 30 deputetë shqiptarë, vazhdon me Ballkanin e Hapur.
Në Maqedoninë e Veriut është bërë traditë që, një ngjarje do të mediatizohet deri në skandal vetëm atëherë kur atë e mbulojnë mediat dhe gazetarët maqedonas. Do të thotë, sa herë që diçka ka të bëjë me Serbinë, kjo gjë harrohet shpejtë.
Përndryshe, po përsëris për të satën herë tani, Ballkani i Hapur është projekt, para se gjithash, për ta afruar sistematikisht dhe institucionalisht Maqedoninë e Veriut me Serbinë hegjemoniste.
Me sa duket, politikës shqiptare të MV kjo gjë nuk bën përshtypje. Jo për tjetër gjë, por sepse është e zënë me pasurimin e jashtëzakonshëm të vetvetes.
