Një ngjarje e rëndë ka ndodhur në Porto Sant’Elpidio, në provincën e Fermos në Itali, ku ka humbur jetën një djalë 18 vjeç me origjinë shqiptare.
Sipas mediave italiane, mësohet se i riu shqiptar humbi jetën mëngjesin e kësaj të enjte rreth orës 09:00, pasi ra nga çatia e një fabrike ku ishte ngjitur për të kryer disa punime, por ajo u shemb duke rënë rreth 10 metra poshtë.
I riu shqiptar është identifikuar si Franco Mazelli dhe mësohet se banonte bashkë me familjen në Fermano.
Ndonëse u dërgua me urgjencë në spital, i riu nuk arriti të mbijetonte. Karabinierët po hetojnë dinamikën e aksidentit në punë së bashku me inspektoratin e punës.
