Pas takimit me presidenten e Kosovës, Vjosa Osmani, kryeministri i Shqipërisë, Edi Rama, po mban një takim me kryetarin e Kuvendit të Kosovës, Glauk Konjufcën. Takimi i Konjufcës me Ramën ka filluar prej disa minutash, ndërsa nuk dihet end nëse në fund të këtij takimit do të ketë takim edhe me kryeministrin e Kosovës, Albin Kurtin.
Presidentja e Kosovës, Vjosa Osmani, në fund të takimit tha se me kryeministrin e Shqipërisë, Edi Ramën gjatë takimit kanë diskutuar për proceset e ardhshme në agjendën ndërkombëtare, siç tha ajo me fokus në Samitin e NATO-s dhe Samitin e Procesit të Berlinit.
“Forcimi i mëtejmë i bashkëpunimit në mes të dy shteteve tona është në të mirë të qytetarëve tanë dhe në të mirë të së ardhmes sonë të përbashkët euroatlantike”, ka shkruar Osmani në llogarinë e saj Facebook.
Në takim me Ramën e Osmanin ishte edhe ambasadori amerikan, Jefrrey Hovenier, mirëpo i njëjti nuk u prononcua për media pas përfundimit të takimi./21Media
The post Pas takimit me Vjosa Osmanin, Rama takohet me kryetarin e Kuvendit të Kosovës, Glauk Konjufcën first appeared on TV21.