Sot gjatë ditës, Mali i Zi dhe Shqipëria pritet të nënshkruajnë 11 marrëveshje bashkëpunimi në mes vete.
Kështu ka bërë të ditur, kryeministri i Malit të Zi, Dritan Abazoviç.
“Gjithçka është gati për G2G, kjo ngjarje është e një rëndësie rajonale. Nesër mirëpresim një delegacion të Qeverisë së Republikës së Shqipërisë, të kryesuar nga kryeministri Edi Rama, i përbërë nga të gjithë ministrat dhe bashkëpunëtorët e tyre. Do të nënshkruajmë 11 marrëveshje”, ka bërë të ditur Abazoviç.
Po ashtu gjatë ditës së djeshme, Abazoviç ka njoftuar se Qeveria e Malit të Zi, ka miratuar tri marrëveshje në kuadër të procesit të Berlinit, të cilat konfirmojnë angazhimin e qartë evropian.