Nuk ka më asgjë për t’u habitur.
Një trend i ri Botox-i, i cili është favorizuar sidomos nga nuset e ardhshme, po fiton popullaritet në Irlandë. Konsiderohet si një trajtim që redukton linjat e qafës dhe shpatullave, ndaj edhe kjo ndërhyrje estetike është bërë virale sidomos në TikTok.
Njihet si “Traptox” dhe i referohet injektimit të Botox-it në muskulin trapezius, që synon të sigurojë një pamje më elegante dhe më të konturuar në pjesën e sipërme të qafës dhe shpatullave.
Trajtimi ka qenë i përdorshëm në Azi për të paktën një dekadë, por është bërë i njohur në Evropë dhe SHBA muajt e fundit, me videot e TikTok-ut, që regjistruan më shumë se 3.8 milionë shikime. Kim Kardashian pretendohet se ka kryer një trajtim të tillë, pasi në serinë e fundit të “The Kardashians”, tha se nuk mund të përdorte muskujt e qafës për të kënduar, sepse gjysma e tyre “ishin të ngrira”.