Rustemi: “31,2 kilometra gjatësi dhe 11,78 milion euro ka qenë vlera e rehabilitimit të rrugës magjistrale Kumanovë – Stracin, e cila është realizuar në dy faza. Faza e parë e punimeve është kryer nga Kumanova deri në fshatin Vojnik, në gjatësi prej 15,2 kilometra, në vlerë prej 4,7 milion euro, mjete të siguruara nga fondet IPA 2 dhe një pjesë e mjeteve nga NPRRSH. Në fazën e dytë është rehabilituar segmenti nga fshati Vojnik – deri në Stracin, në gjatësi prej 16 kilometra dhe në vlerë prej 7,4 milion euro, mjete të siguruara nga Ndërmarrja Publike për Rrugë Shtetërore. Ishte kënaqësi e imja që së bashku me kryeministrin Kovaçevski dhe me ministrin Boçvarski ta lëshojmë në përdorim rrugën magjistrale të rikonsrtuuar dhe të modernizuar Kumanovë – Stracin, e cila ka një rëndësi të veçantë, para se gjithash për qytetarët të cilët gravitojnë në këtë rajon, por edhe për vetë faktin se ky aks rrugor është pjesë e Koridorit 8”.
