Rafael Leao ka arritur akordin e shumëpritur për rinovimin e kontratës me Milanin. Ylli i kuqezinjve do të vijojë të jetë pjesë e kuqezinjve deri në vitin 2028, raporton GDS.
23-vjeçari, prania e të cilit në derbin ndaj Interit është në dyshim, ka firmosur kontratën e re. Dëshira e tij për të qëndruar ishte e madhe, njësoj si e gjithë popullit milanist.
Leao i rezistoi “presionit” nga Real Madrid dhe Chelsea, që ishin gati t’i plotësonin çdo dëshirë për ta pasur pjesë të tyre.
Sulmuesi i majtë do të përfitojë 7 milionë euro në sezon + 2 të tjera në formë bonusesh.
Në marrëveshjen mes agjentit të tij dhe drejtuesve të Milanit, është rënë dakord të hiqet klauzola e shitjes 150 milionë euro.
Fund i lumtur për tifozët e Milanit, që prej muajsh prisnin rinovimin e një prej lojtarëve më të rëndësishëm të skuadrës së zemrës.
Tani pritet vetëm zyrtarizimi i klubit.
/BotaSot/