Olympique de Marseille ka triumfuar përballë Paris Saint-Germainit në derbin klasik francez të zhvilluar Stade Velodrome dhe është kualifikuar në çerekfinale të Coupe de France.
Pas gjysmë ore lojë u akordua penallti në favor të ekipit vendas, përgjegjësinë e mori Alexis Sanchez dhe u tregua i saktë (31’).
Pa përfunduar pjesa e parë (45’+2), Sergio Ramos i barazoi shifrat duke realizuar me kokë falë harkimit të Neymar nga këndi.
Në pjesën e dytë, Ruslan Malinovsky shënoi një gol shumë të bukur (57’) nga jashtë zonës për ta rikthyer epërsinë e nikoqirëve.
Në vijim nuk u shënuan gola të tjerë dhe Marseille siguroi pjesëmarrjen në çerekfinale të Coupe de France në dëm të Paris Saint-Germainit.