Ka nisur procesi i kurorëzimit të Mbretit Charles III në katedralen Westminster Abbey.
Më shumë se 2,000 njerëz janë ftuar në Westminster Abbey, duke përfshirë rreth 100 krerë shtetesh, mbretër dhe mbretëresha nga e gjithë bota.
Në ceremoninë mbretërore po merr pjesë edhe presidentja e Kosovës, Vjosa Osmani e shoqëruar nga bashkëshorti i saj, Prindon Sadriu, ky i fundit ka postuar disa imazhe nga ngjarja.
Në foto Osmani duket elegante e veshur me fustan që shkonte deri poshtë gjunjëve dhe mëngë të gjata me një pjesë si pelerinë lëshuar sipër.
Dukja e presidentes u kompletua edhe me një aksesor flokësh me nuancë të njëjtë si fustani dhe këpucë me taka ngjyrë bezhë.
Pranë saj qëndronte Prindoni me një kostum klasik, pantallona, këmishë me kravatë dhe xhaketë të gjatë.
Ndërkohë, presidentja gjatë qëndrimit në Londër dje gjithashtu mori pjesë në pritjen e organizuar nga Familja Mbretërore./Telegrafi/