Për të dytin vit radhazi do të organizohet në New York panairi shqiptar “Gjergj Kastrioti Skënderbeu”. Aktiviteti për herë të parë u organizua vitin e kaluar me rastin e bashkëemërtimit të rrugës “Gjergj Kastrioti Skënderbeu” Një ngjarje që u ndoq nga mijëra të pranishëm, familje dhe fëmijë shqiptarë të cilët përjetuan gëzimin e muzikës tradicionale shqiptare, vallëzimit, ushqimit e shumë të tjera.
Qëllimi i këtij aktiviteti është të përkujtojë historinë dhe trashëgiminë tonë të pasur.
Shoqata shqiptaro-amerikane Dora e Hapur organizatorja kryesore e këtij panairi njofton se këtë vit janë mbi 100 organizata shqiptare po mbështesin panairin e Rrugës Gjergj Kastrioti Skënderbeu.
Panairi do të mbahet më 7 maj 2023 ora 12:00 – 18:00 në Arthur Ave & Crescent Ave Bronx, NY.
