Kryeministri Albin Kurti vlerëson se marrëveshja e nënshkruar me Shqipërinë sa i përket lëvizjes së lirë përbën thellim bashkëpunimi në mes të dyja vendeve.
“Prej ditës së sotme, mbi 200,000 shtetas të Kosovës dhe Shqipërisë që banojnë në zonat deri në 30 km nga kufiri tokësor kanë të drejtë të kalojnë kufirin lirshëm dhe të qëndrojnë në zonën kufitare, për arsye sociale, kulturore, familjare etj”, është shprehur Kurti.
Sot kanë qenë dy ministritë e brendshme që kanë nënshkruar protokollin për lëvizje të lirë në zonat kufitare.
Kjo marrëveshje është e vlefshme për 26 vendkalime të veçanta kufitare.
