Njëri nga aktivitetet më të rëndësishme të përbashkëta të Myftinisë dhe Komunës së Tetovës, është edhe Akademia Solemne e mbajtur më 07.04.2023 (e premte), me rastin e përkujtimit të Ulemave të Tetovës, në sallën e Këshillit Komunal të Tetovës.
Programi i këtij manifestimi filloi me leximin e pjesëve nga Kur’ani Fisnik, të lexuar nga referenti për arsim fetar pranë Myftinisë së Tetovës, hfz. Abdurahim ef. Murati.
Të pranishëm në këtë Akademi ishin: Myftiu i Tetovës, Prof. Dr. Qani ef. Nesimi, Kryetari i Komunës së Tetovës, Prof. Dr. Bilall Kasami, ish Myftinjtë: H. Alifekri ef. Esati dhe Imer ef. Kamberi, filantropi i madh Shqiptar me përmasa globale, Haxhi Lazim Destani, Rektor i Universitetit të Tetovës, Prof. Dr. Kushtrim Ahmeti, zv. drejtori i Komisionit për Marrëdhënie me Bashkësitë Fetare dhe Grupet Religjioze, Mr. Mexhit ef. Emurli, Kryetari i Këshillit Komunal, z. Besar Durmishi, Dekan i Fakultetit Filozofik, Prof. Dr. Ibish Kadriu, Prof. Dr. Fehari Ramadani, zv. Kryetar i ALKIG-ut, Emin ef. Limani, hoxha i nderuar nga Danimarka, Ruzhdi ef. Hasipi, hoxhallarë, profesor dhe profesoresha të Medresesë “Isa Beu” paralelja e shtrirë Tetovë, afaristë, anëtarët e Myftinisë, kolegët e Myftinisë, përfaqësues të Komunës, si dhe familjarë të hoxhallarëve.
Në këtë manifestim të cilin e moderoi shefi i kabinetit të Myftiut, Mr. Xhemil ef. Sadiki, fjalë përshëndetëse kishin Kryetari i Komunës së Tetovës dhe Myftiu. Myftiu i Tetovës e vlerësoi lartë bashkëpunimin ndërmjet Myftinisë së Tetovës dhe Komunës së Tetovës, i cili tanimë i mbushi nëntë vite të plota. Në fund të fjalimit të tij, Myftiu falënderoi Komunën, familjarët e hoxhallarëve dhe të gjithë ata që kanë kontribuar në organizimin e këtij eventi.
Pikë e veçantë e kësaj Akademie ishte edhe leximi i biografive të personaliteteve fetare dhe kombëtare të trojeve tona nga ana e nxënëseve të Medresesë “Isa Beu” paralelja e shtrirë Tetovë.
Në vazhdim nxënësja Amra Memedi lexoi biografitë e hoxhallarëve:
- Rexhep ef. Voka
- Hfz. Jusuf ef. Azemi
- Hfz. Zilbehar ef. Limani
Nxënësja Rufije Sulejmani lexoi biografitë e hoxhallarëve: - Nebi ef. Mahmuti
- Halit ef. Haliti
- Hfz. Isa ef. Elezi
Nxënësja Ajshe Shabani lexoi biografitë e hoxhallarëve: - Hfz. Abdil ef. Xhemaili
- Bexhet ef. Memeti
- Zulqufli ef. Neziri
Nxënësja Amra Beqiri lexoi biografitë e hoxhallarëve: - Bahri ef. Memeti
- Nuhi ef. Sulejmani
- Hfz. Zulbehar ef. Aliju
Më pas, nga ana e Myftiut dhe Kryetarit të Komunës, u bë ndarja e mirënjohjeve familjarëve të hoxhallarëve të nderuar.
Pas manifestimit Myftinia e Tetovës në bashkëpunim me Komunën e Tetovës shtruan iftar në Restorantin “Horizont”.
