Jennifer Lopez dhe Ben Affleck u panë duke ndarë një përqafim të dashur pasi mbërritën në aeroportin Hamptons në Nju Jork.
Çifti i dashuruar, i cili u martua në një dasmë të thjeshtë në Las Vegas në prill, dukej mishërimi i elegancës hollivudiane teksa u përqafuan pas një fluturimi të gjatë, shkruan DailyMail.
Këngëtarja 53-vjeçare kishte veshur një pallto leshi të madhe dhe dukej një milion milje larg personazhit të saj të viteve ’90 ‘Jenny From The Block’.
JLo dukej e thjeshtë dhe pa grim ndërsa flokët i kishte të kapura topuz të çrrëgullt dhe kishte veshur pantallona të gjera.
Para se të largohej, Jennifer u pa pranë shtëpisë së saj në Hampton për 2 orë, duke bërë selfie dhe duke pirë kafe.
Fituesi i Oskari 50-vjeçari, gjithashtu u shfaq i veshur thjeshtë, me një pallto të zezë dhe një çantë që e mbante në krahë.
Çifti filloi të takohej sërish në prill të vitit 2021, përpara se të fejoheshin në prill të këtij viti. Ishte përpjekja e dytë e “zogjve të dashurisë” në romancë pasi ata u takuan nga viti 2002 deri në 2004, gjë që çoi në një fejesë të dështuar.
Top Channel
