Zv. kryeministri Artan Grubi njofton se Qeveria i ka ndarë tre milionë euro Qytetit të Shkupit për ndërtimin e bulevardit “Hasan Prishtina”.
“Qeveria tashmë i ka ndarë 3 milion euro, nga gjithsej 6 milion euro vlerë, qytetit të Shkupit për ndërtimin e bulevardit “Hasan Prishtina”, ose siç njihet gjerësisht “Rruga për Kosovë” (në Vizbeg), deri tek qarkorja e Shkupit.
Në bashkëbisedim dhe bashkëpunim me kryetaren e Shkupit, Danella Arsovska, e cila do ta realizojë projektin, kemi filluar përgatitjet e fundit administrative në Qeveri dhe në Ministrinë e Transportit për ta nisur dhe përfunduar edhe këtë arterie të rëndësishme të trafikut”, njofton Grubi.
