Nuk ka arsye për të dyshuar nëse prokurorë publikë zgjidhen djali i kryeparlamentarit Xhaferi dhe bashkëshortja e prokurorit publik për krim të organizuar Abazi, vlerëson kreu i Prokurorisë Publike, Lubomir Joveski, përcjell Klan Maqedoni. Këtë përgjigje, Jovevski e dha për pyetjen se a mund të ndikojë nepotizmi në punën e organit që duhet të luftojë krimin dhe korrupsionin në vend.
Sipas Joveskit dhe Barlet Xhaferi dhe Albulena Abazi i kanë përmbushur kërkesat strikte të Akademisë për gjyqtarë dhe prokurorë publikë dhe e kanë përfunduar me sukses, prandaj është dashur t’u jepet mundësia për të punuar.
“Edhe një herë, për të qenë të qartë, këtyre njerëzve duhet t’u jepet një shans, këta njerëz kanë përfunduar arsimin e duhur dhe i plotësojnë të gjitha kushtet ligjore që të mund të zgjidhen gjyqtarë dhe prokurorë publikë në një procedurë të duhur”, deklaroi Lubomir Jovevski.