Udhëheqësit e Kinës dhe Bjellorusisë kanë bërë thirrje për paqe në Ukrainë.
Kjo deklaratë e presidentit kinez dhe udhëheqësit të Bjellorusisë i cili është edhe aleat ngushtë i Vladimir Putinit, erdhi pas disa bisedimeve që u mbajtën në Pekin.
Lukashenko tha se vendi i tij “mbështet plotësisht” një plan të Pekinit përt’i dhënë fund të luftës në Ukrainë.
Vizita vjen disa ditë pasi Kina dërgoi kryediplomatin e saj Wang Yi për t’u takuar me Putinin, raporton BBC.
Kujtojmë se Kina prezantoi një plan për bisedimet e paqesduke bërë thirrje për respektimin e sovranitetit kombëtar.
Lukashenko dhe takimi i Xi përkoi gjithashtu me një vizitë të Sekretarit amerikan të Shtetit Antony Blinken në vendet e Azisë Qendrore për të diskutuar lidhur me luftën e Ukrainës.
Po ashtu, Lukashenko ka ndihmuar udhëheqësin rus në luftën e tij në Ukrainë dhe vëzhguesit e kanë parë udhëtimin e tij në Pekin si një shenjë tjetër të mbylljes së radhëve të Kinës me Rusinë dhe aleatët e saj.
Dokumenti me 12 pika kërkon respekt për “sovranitetin e të gjitha vendeve”. Ajo nuk thotë veçanërisht se Rusia duhet të tërheqë trupat e saj nga Ukraina dhe dënon përdorimin e “sanksioneve të njëanëshme”, duke dhënë kritikë të nënkuptuar ndaj aleatëve perëndimorë të Ukrainës.
Plani i paqes i Kinës u prit me mosbesim të përgjithshëm në Perëndim.
Presidenti ukrainas Volodymyr Zelensky tha se ishte dakord me disa pjesë të saj dhe tha se kjo ishte një shenjë e gatishmërisë së Kinës për t’u angazhuar.
Pekini deri tani nuk i është përgjigjur publikisht thirrjes së Zelenskyt për një samit.
