uke diskutuar për mundësinë e shumicës parlamentare, zëvendëskryeministri Grubi ka thënë se Qeveria është e gatshme të bisedojë me partitë shqiptare dhe deputetët për zgjërimin e shumicës, me Alternativën dhe Besën.
“jemi të gatshëm që nesër të fillojmë bisedimet. Ata mund të shkojnë edhe me VMRO-në, por kjo është shkatërruese pë rata. VMRO-ja dhe Levica janë kundërshtarë të shqiptarëve, rezultati i një koalicioni të tillë do të ishte katastrofale”, tha Grubi.
Foli edhe për grupin e zjarrit.
“Ka pakënaqësi por jo përcarje, nuk është mobilizim. Ata janë në rrugë të gabuar. Kryetari ua ka thënë këtë. Nuk e di nga lindi gjithë kjo urrejtje. Unë jam për bashkim, më kërkuan mbështetje në 2021, kemi punuar njëri për tjetrin. Dje kishte përpjekje për të mohuar atë që e kam thënë, por dielli nuk mbulohet me shoshë. Më ka kërkuar mbështetje z. Mexhiti e kam ofruar”, tha fillimisht Grubi.
Foli edhe për VMRO-në dhe sulmet që po i bëhen nga ata dhe “grupi zjarrit”.
“Sulmet janë të njëjta, VMRO-ja më sulmon, të njëjtat sulme po i dëgjoj edhe nga shokët e mij. Aty si duket ka gisht nëntoka. Është për të ardhur keq. Dikush nuk deshi që BDI-ja si forcë e madhe të mos mbetet në shumicë”, than ë vazhdim Grubi.
Ai foli edhe për një dekalratën e Mickoskit për “61-njësh” të ri.
“Mickoski doli e tha se kam deputet të BDI-së të pakënaqur dhe të LSDM-së do të rrëzojmë Qeverinë dhe do të kemi 61-sh të ri”, deklaroi Grubi duke shtuar se kjo duhet zbërthyer.
