Një studente që ndihej sikur po gromësinte vazhdimisht, mbeti pa fjalë kur u diagnostikua me kancer.
Ikram Gacem vuri re se ajo ndihej më e rraskapitur se normalisht ndërsa studionte për provimet e saj, por ajo mendonte se kjo gjendje vinte nga stresi i provimit. Atëherë 18-vjeçarja filloi të flinte për disa orë kur u kthye në shtëpi nga kolegji dhe shpejt kuptoi se lodhja e saj ishte më ekstreme se ajo e bashkëmoshatarëve të saj.
Ikram filloi të shqetësohej se simptomat e saj ishin një shenjë e diçkaje më të keqe, kështu që ajo vizitoi mjekun e saj të përgjithshëm. Por këto shenja u diagnostifikuan si anemi, që trajtoheshin lehtësisht me tableta hekuri ose një dietë të pasur me hekur. Asnjëra nuk e ndihmoi shumë Ikramin dhe disa javë më vonë ajo gjeti një gungë të vogël në klavikulën e saj të djathtë.
Mjekët më pas dhanë lajmin shkatërrues se ajo kishte limfomën Hodgkin një kancer relativisht i rrallë që zhvillohet në sistemin limfatik, i cili është pjesë e sistemit tuaj imunitar. Ikrami tha:
“Fillova të qaja menjëherë, isha shumë e frikësuar. Unë as nuk mendoj se e dija se cili ishte kuptimi i vërtetë. E prita shumë keq. Nuk kisha fjalë”.
Për t’i bërë gjërat edhe më keq, Ikram u diagnostikua gjatë kulmit të pandemisë, kështu që duhej të qëndronte në dhomë vetëm, me nënën e saj në dhomën tjetër. Ajo gjithashtu duhej të informonte miqtë e saj përmes FaceTime pasi ata po studionin ekskluzivisht në internet në atë pikë.
Fatmirësisht pas trajtimit, Ikram është mirë dhe aktualisht është në vitin e tretë në universitet. Studentja e drejtësisë, tani 21 vjeçe, dëshiron të nxisë të rinjtë e tjerë që përjetojnë probleme të mundshme shëndetësore që të dëgjojnë trupin e tyre dhe të bëjnë një takim me mjekun e tyre nëse diçka nuk shkon mirë.
Top Channel