Midtjylland u eliminua nga “Europa League” pasi humbi 4-0 në shtëpi ndaj Sporting CP. Skuadra daneze e kishte mbajtur gjallë shpresën në ndeshjen e parë, por në atë të kthimit, portugezët nuk iu lanë rrugëdalje të besuarve të Albert Capellas.
Përveç humbjes, në ndeshjen mes danezëve dhe Sportingut pati një rast që ka zgjuar vëmendjen e tifozëve. Bëhet fjalë për një autogol të pabesueshëm të mbrojtësit të skuadrës daneze, Stefan Gartenmann, i cili ka bërë xhiron e botës.
Në minutën e 85-të, skuadra vendase, e cila ishte në disavantazh 0:3, e mori topin në gjysmëfushën e vet. Qendërmbrojtësi priti afër zonës dhe për shkak të presionit nga kundërshtari mendoi se ishte e nevojshme ta pasonte topin te portieri.
Megjithatë, kjo lojë shkaktoi një keqkuptim të madh: portieri Jonas Lossl kishte lëvizur jashtë shtyllave, në një pozicion anësor, për të marrë topin, por mbrojtësi nuk e ngriti kokën dhe ktheu topin në rrjetë.
Në një mënyrë absolutisht të pabesueshme, kjo prekje e pasme u kthye në autogolin më banal dhe të bujshëm.
The post Shënohet autogoli më “banal” në Ligën e Evropës (VIDEO) appeared first on SHQIP.com.