Skuadra rumune CFR Cluj është eliminuar nga Liga e Konferencës. Barazimi ndaj Lazios 0:0 nuk mjaftoi për të vazhduar rrugëtimin, teksa ishin mposhtur në ndeshjen e parë në Romë.
Titullar nga minuta e parë në këtë takim ishte edhe Ermal Krasniqi, i cili shpërdoroi një rast të pastër për të kaluar në avantazh rumunët.
“Tuttomercatoweb“-i e ka vlerësuar me notën 5.5, ndërsa shkruan se dallon në radhët e Cluj për nga cilësitë, por gabon në zonën e rreptësisë.
“Më i talentuari i grupit të Petreskut, duket qartë se ka cilësi por humbet në gjashtëmbëdhjetë metra. Mos e harroni homazhin e Kasales”, ka shkruar “Tuttomercatoweb”-i në vlerësimin për Ermal Krasniqin.