Tre ministrat e deritainshëm të Alternativës, Bekim Sali, Xhemail Çupi dhe Admirim Aliti, nuk janë më ministra, pasi që sot Kuvendi edhe zyrtarisht i shkarkoi nga funksioni, informon Zhurnal.
Nga ministria e shëndetësisë largohet ministri Bekim Sali, nga ministria për shoqëri informative largohet Admirim Aliti ndërsa Xhemail Çupi largohet nga ministra pa resor për diasporë.
Nga deputetët prezent në sallë, “PËR” shkarkimin e Bekim Sali votuan 65 deputetë ndërsa nuk kishte asnjë kundër ose të përmbajtur. Ndërsa për shkarkimin e Alitit dhe Çupit kishte vetëm 64 vota “PËR” dhe nga një kundër.
Seanca për shkarkimin e tyre pati filluar më 13 shkurt. Në rend dite janë katër pika ndërsa pika e parë ka qenë shkarkimii ministrave.
