Sekretariati për Procedurat dhe Votimet ka përjashtuar sot deputetët e PD për kaosin në seancën e kaluar.
Sipas vendimit deputetja Lindita Metalia është përjashtuar për 5 ditë; Greta Bardeli për 3 ditë, Edmond Spaho, Oerd Bylykbashi Elda Hoti dhe Sorina Koti për 10 ditë.
Deputetë të PS kërkuan përjashtimin e 6 deputetëve të tjerë të opozitës pas seancës së fundit.
Kërkesa mban firmat e Baftjar Zeqajt, Lindita Buxhelit, Bujar Çelës, Tatiana Piros, Fadil Nasufit, Lavdrim Krashit, Ilir Topit.
Kujtojmë se një prej firmëtarëve, deputeti i PS Baftjar Zeqaj u kap nga kamerat duke shkelur Rregulloren e Parlamentit pasi votoi hapur për kolegen socialiste e cila nuk ndodhej në seancë.
Me këtë vendim rreth gjysma e grupit parlamentar të PD është përjashtuar nga seancat e fundit parlamentare.
Seancën e së enjtes nuk do të jenë prezentë 8 deputetë mes tyre Kryetari i PD Sali Berisha dhe Sekretari i Përgjithshëm i PD Flamur Noka.