Kur dikush përmend “kastravecë deti” ajo që të vjen menjëherë në mendje është diçka e ngjashme perimen e shijshme që përdorim në sallata.
Por në fakt keto të detit janë të gjallë, dhe megjithëse mund të duken të vegjël, konsiderohen me shumë vlerë.
Në thellësitë e deteve besohet se ka rreth 1,250 specie të ndryshme kastraveci deti.
Ekologu detar amerikan Steven Purcell – një nga ekspertët më në zë të kastravecëve të detit – shpjegon së fundmi se ata janë “kafshë shumë të çuditshme”.
Madje nëse dëshironi të blini një kilogramë kastravecë deti mund t’ju kushtojë deri në $3,000.
Çmimi i tyre i lartë lidhet me faktin se ata janë konsumuar prej kohësh nga elita e Azisë dhe konsiderohen një delikatesë.
“Por në vitet 1980 kërkesa për ta shpërtheu dhe rritja e klasës së mesme në Kinë shtoi kërkesën e mallit të luksit. Sot ato shiten të thara e të paketuara, duke u përdorur si dhurata apo për raste të veçanta.
Sa më shumë gjemba të ketë kastraveci detit aq më i lartë është çmimi i tij, ndërsa një kg të tilla nga Japonia kushtojnë deri në $3,500.
Në Azi mishi i tyre besohet se kuron problemet me kyçet si artriti madje dhe kancerin e problemet me qarkullimin e gjakut. Prandaj çdo vit më shumë kafshë të tilla , mblidhen nga deti dhe zhytësat duhet të zbresin gjithnjë e më thellë për t’i kapur ato.
Purcell shton: “Disa vende bëjnë kapjen e karkalecave pa trajnimin e duhur dhe zhytësat pësojnë paraliza apo aksidente të tjera gjatë gjuetisë”.
Duke u përpjekur të mbajnë ritmin e kërkesës, disa vende kanë nisur t’i kultivojnë ato dhe jo t’i kërkojnë më në gjueti.
Top Channel