Ferizaj ka shënuar fitore ndaj Prishtinës me rezultat 1:0, ndërsa trajneri Andrej Panadic, vlerëson se ndeshja e sotme ishte ndër më të luftuarat nga skuadra e tij.
“Jam shumë i kënaqur me rezultatin dhe me këtë fitore. Jam shumë i kënaqur edhe me përparimin që kanë shënuar lojtarët e mi, poashtu edhe me lojën që treguam. Fillimi ka qenë i vështirë. Sot ka qenë loja më luftarake e sezonit, fituam duelet që i kishim”, është shprehur Panadic.
Edhe pas kësaj fitoreje, Ferizaj mbetet në pozitën e fundit, tani me 17 pikë, dy më pak se Malisheva, e cila nesër është mysafire e Gjilanit.
