Përveç transportuesve privatë edhe këshilltarët në Qytetin e Shkupit kanë shumë paqartësi se çfarë ka ndryshuar pas takimit të fundit të Arsovskës me transportuesit privatë. Në seancën e sotme, këshilltarët e pyetën Arsovskën për shumën e borxhit, si do të paguhet i njëjti dhe kur do të kthehen në trafik transportuesit privatë.
“A do të ketë dhe si do të mund të organizohet në aspekt juridik kjo punë, a do të bëhet me marrëveshje pasi jemi dëshmitarë se dy thirrje publike për transportuesit privat tashmë kanë dështuar pasi nuk kishte interesim për kryerjen e këtij shërbimi public. Kur mund të presim që transportuesit privatë të kthehen në trafik dhe nëse me këtë nënkupton se do ta tërhiqni padinë që e dorëzuat për ndaj transportuesve privatë për moskryerje të shërbimeve, atëherë kur filluan bllokimet”, deklaroi Gordan Shutarov, Anëtar i Këshillit të Qytetit të Shkupit.
Edhe pse e pranishme në sallë, kryetarja e Shkupit Danella Arsovska tha se këshilltarëve do t’ju përgjigjet me shkrim.
“Edhe për këto pyetje, kryetarja më njoftoi se do të përgjigjet me shkrim”, u përgjigj Trajko Sllaveski, kryetar I Këshillit të Qytetit të Shkupit.
Tre muaj pasi transportuesit privat ndaluan së punuari për shkak të borxheve nga ana e Ndërmarrjes për Qarkullim Publik, javën e kaluar ata u pritën në takim nga kryetarja e Qytetit, Danella Arsovska. Transportuesit shprehen se ka vullnet pozitiv që të zgjidhet problemi, por pa dhënë detaje se në çfarë rruge do të zgjidhet çështja e borxhit dhe kthimi në qarkullim. /Alsat.mk
