Seanca plenare sërish është përfshirë nga tensione këtë të enjte, ndërsa para Kuvendit po zhvillohet protestë nga anëtarë dhe mbështetës të opozitës.
Deputetët sërish kërkojnë mocion me debat me kryeministrin Edi Rama për çështjen McGonigal. Demokratët kanë bllokuar foltoren, ndërsa një pjesë e tyre u bien pa pushim bilbilave duke krijuar kaos.
Nga ana tjetër, jashtë Kuvendit janë mbledhur me dhjetëra mbështetës të opozitës, ndërsa kanë marrë fjalën një pjesë e deputetëve dhe vetë Berisha.
Në rrethimin e godinës së Kuvendit ka forca të shumta policie, por deri më tani nuk ka pasur përplasje me protestuesit, raporton Topchanel.
