Vazhdon debati parlamentar për ri-formatimin e kabinetit qeveritar, ndërsa bashkë me të edhe numërimi i deputetëve që do të qëndrojnë pas propozimit të kryeministrit Dimitar Kovaçevski. Ai shpreh besimin se qeveria e rikonstruktuar do të mbështetet nga më shumë se 64 deputetë, por nuk specifikon se sa pret ditën e votimit.
Siç mëson PRESSonline.mk nga burime të besueshme partiake shumica parlamentare ka mbështetjen e 66 deputetëve, ndërkohë që pritet edhe përkrahje edhe nga dy deputet të tjerë. Me këtë sipas burimit tonë numri i deputetëve që do të mbështesin ri-formatin e Qeverisë do të arrijë në 68, ndërsa numri i deputetëve që janë pro ndryshimeve kushtetuese është 76 dhe se duhet mbështetje edhe katër ose 5 deputetëve që të fillon procesi i ndryshiemeve të nevojshme kushtetuese që vendi të vazhdojë rrugëtimin evropian pa mpengesa.
Kryeministri tha se mazhoranca qeveritare është e fortë dhe e qëndrueshme dhe se ri-formatimi i qeverisë do të kalojë me më shumë se 64 vota.
“Rikonstruksioni që unë parashtrova nuk u bë nga motive personale, por për një shumicë të qëndrueshme. Të miratohen ligjet ekonomike dhe gjyqësore, të zbatohen reformat, të mos lejohet bllokadë nga opozita. Besoj se të gjithë partnerët e qeverisë janë për punë efikase të Parlamentit dhe kështu Aleanca për Shqiptarët do ta forcojë shumicën”, deklaroi Kovaçevski.(PRESSonline.mk)