Takimi i ministrave të mbrojtjes të NATO-s të së martës filloi me një minutë heshtje në nderim të viktimave të tërmeteve të javës së kaluar në Turqi.
Përpara hapjes së takimit dy-ditor të Këshillit të Atlantikut të Veriut, Sekretari i Përgjithshëm Jens Stoltenberg u bëri thirrje shefave të mbrojtjes të “ndalojnë për një moment heshtjeje në solidaritet me aleatin tonë Türkiye”.
Ai shprehu gjithashtu “ngushëllime të përzemërta për të gjitha viktimat e tërmetit” dhe siguroi Turqinë për mbështetjen e NATO-s.
Takimi dyditor i organit më të lartë vendimmarrës të NATO-s është planifikuar të diskutojë mbështetjen për Ukrainën dhe planet afatgjata për të forcuar aftësitë mbrojtëse dhe parandaluese të aleancës ushtarake.
Aleatët e NATO-s janë zotuar të ofrojnë mbi 50 miliardë dollarë ndihmë ushtarake për Ukrainën që nga fillimi i luftës, duke përfshirë municione, pajisje ushtarake, automjete të blinduara dhe tanke luftarake, raporton Anadolu.
Ministrat pritet gjithashtu të diskutojnë sigurimin e avionëve luftarakë në Ukrainë, megjithëse Stoltenberg ka thënë më herët se përmbushja e asaj që tashmë është premtuar është më urgjente.