PSG ka pësuar humbje në shtëpi nga Bayern Munich. Golin e vetëm në ndeshje e shënoi Kingsley Coman në minutën e 53-të.
Kylian Mbappe hyri në fushë menjëherë pas golit të Coman. Ai e ndoqi nga bankina pjesën e parë dhe fillimin e të dytës. Për më shumë se 30 minuta në fushë, francezi dërgoi topin dy herë në portë, por të dyja herë golat u anuluan për shkak të pozicionit jashtë loje.
Pas ndeshjes, Kylian doli para gazetarëve dhe e përmblodhi ndeshjen me disa fjalë. “Jemi në gjendje t’u bëjmë telashe. Do të shkojmë në Munih për të arritur në fazën tjetër. Të gjithë duhet të jenë të shëndetshëm. Pas asaj që pamë sot, ne e kuptojmë se mund ta arrijmë qëllimin tonë”, ka thënë sulmuesi francez.
