Në Maqedoninë e Veriut dita e nesërme, (E Hënë) data 13 Shkurt 2023 është shpallur ditë zie, në shenjë solidarizimi me familjarët e viktimave nga tërmeti katastrofal në Turqi dhe Siri.
Lajmin e ka bërë të ditur zëvendëskryeministri i parë, Artan Grubi përmes një njoftimi në rrjetin social Facebook, teksa sërish ka shprehur ngushëllime për popullin turk dhe sirian.
Njoftimi i plotë:
Në shenjë solidariteti me dhimbjen e madhe të popullit turk dhe sirian pas tërmetit katastrofal të 6 shkurtit 2023, në seancën e sotme të Qeverisë miratuam vendimin që dita e nesërme (E Hënë – 13.02.2023) të jetë ditë zie në të gjithë territorin e Maqedonisë së Veriut.
Shprehim edhe njëherë ngushëllimet e sinqerta ndaj të gjithëve që humbën të afërmit e tyre dhe shërim të shpejtë të lënduarve.
E gjithë bota në këmbë për të ndihmuar 🇹🇷dhe 🇸🇾 në këto çaste të rënda!