Në kohën kur po flitet që trajneri Carlo Ancelotti mund të largohet nga Real Madrid për të marrë drejtimin e Kombëtares së Brazilit, një ndër emrat që mund ta pasojnë italianin përmendet edhe Zinedine Zidane.
Sipas Diario SPORT, Zidane është gati të marrë drejtimin e Real Madridit.
Megjithatë, francezi është gati të zëvendësojë Ancelottin me një kusht.
Zinedine dëshiron të shohë në skuadër mesfushorin 19-vjeçar të Lyon, Ryan Cherka. Mesfushori francez ka bërë 19 paraqitje në Ligue 1 këtë sezon, duke shënuar dy gola dhe tre asistime.
Futbollisti i ri vlerësohet për shkathtësinë e tij, ai është po aq i mirë me të dyja këmbët, falë të cilave ai mund të veprojë përgjatë gjithë frontit të sulmit.
Është gjithashtu kurioze që ai është me origjinë algjeriane, si Zinedine Zidane.
Transfermarkt e vlerëson lojtarin në 18 milionë euro, por nuk ka gjasa që Lyon ta lërë të shkojë për më pak se 50 milionë.
