Moti i keq ka përfshirë Sicilinë. Shirat, rrëshqitjet e dheut si edhe erërat e forta kanë shkaktuar probleme të mëdha në disa zona i Katania, Sirakuza dhe Raguza, raportojnë mediat e huaja.
Autoritetet bëjnë me dije se trafiku hekurudhor është bllokuar në bregun lindor dhe se gjithashtu disa rrugë janë të pakalueshme.
Mbrojtja Civile ka paralajmëruar qytetarët që të tregohen të kujdesshëm dhe të shmangin lëvizjet në këto zona, pasi orët në vijim janë parashikuar me reshje të dendura shiu.