Kasim Gündüz ishte në Antakia, Turqinë jugore kur një tërmet me magnitudë 7.8 – i ndjekur nga një seri pasgoditjesh – shkatërroi vendin herët në mëngjesin e së hënës.
Një fatkeqësi në të cilën Kasimi humbi familjen e tij pas shembjes së ndërtesës ku jetonte.
Kasim i tha korrespondentes ndërkombëtare të Euronews, Anelise Borges, se i është dorëzuar trupi i djalit të tij në një qese plastike.
Ai është ende në pritje të asaj që thotë se ndoshta do të jenë eshtrat e gruas së tij.
“Gruaja ime quhet Shefika, e kam quajtur gulum (trëndafili im)… gulum… pastaj thashë Shefika por nuk dëgjova asgjë prej saj. Nuk kishte zë fare”.
Rrugët e Antakias janë të mbushura me njerëz – të cilët si Kasimi – po kërkojnë të dashurit e tyre, raporton Euronews.
Autoritetet turke janë të tronditur nga përmasat e katastrofës, pasi ekipet e shpëtimit kërkojnë ditë e natë duke kërkuar të mbijetuarit.
