Myrto Uzuni është duke kaluar nëpër një formë të shkëlqyeshme me Granadan në La Liga 2.
Sulmuesi i Kombëtares shqiptare realizoi një gol në ndeshjen e fundit të kampionatit ndaj Villarreal B në udhëtim, ndërsa shkon në kuotën e 15 golave në total duke udhëhequr renditjen e golashënuesve në La Liga 2.
Së fundi, duke folur për emisionin “Analizë Kuq e Zi”, Uzuni sqaroi një detaj të rëndësishëm në kontratën e tij.
“Edhe në afatin kalimtar të janarit ka pasur interesim nga Premier League dhe La Liga, por nuk dua të nxitohem dhe të bëj gabim”, është shprehur sulmuesi shqiptar.
“Tani kam një klauzolë 14 milionë euro, ndërsa në La Liga shkon në 28 milionë euro. Ka edhe shumë ndeshje, nuk jam i lumtur asnjëherë me veten. Ka kohë deri në verë, tani rinovova me Granadan”, ka shtuar Uzuni.
