Një foshnje e lindur nën rrënojat e tërmetit në Siri u shpëtua vetëm pak minuta pasi hyri në botë.
Trupi i foshnjës, u tërhoq zvarrë në siguri nga mbeturinat e betonit. Vajza mori frymët e para pasi u shpëtua nga një burrë në Siri.
Presidenti turk Rexhep Tajip Erdogan ka shpallur gjendjen e jashtëzakonshme në 10 provinca për tre muaj, ndërsa vendi po përballet nga një tërmet i fuqishëm të hënën që vrau mbi 5,000 njerëz në të gjithë Turqinë dhe Sirinë.
“Ne po i shpallim 10 provincat tona ku ndodhi tërmeti si zona të fatkeqësisë. Ne kemi vendosur të shpallim gjendjen e jashtëzakonshme bazuar në autoritetin që na jep neni 119 i kushtetutës për të garantuar që aktivitetet e kërkim-shpëtimit dhe më pas studimet mund të kryhen shpejt”, tha Erdogan gjatë një fjalimi televiziv të martën.
Me këtë vendim do të përfundojmë shpejt proceset presidenciale dhe parlamentare, ka shtuar më tutje Erdogan.
Të paktën 5,606 struktura u shkatërruan gjatë tërmetit dhe në orët pas saj, tha Agjencia e Menaxhimit të Fatkeqësive dhe Emergjencave të Turqisë (AFAD).
Deri të hënën vonë, të paktën 300,000 batanije, 24,712 shtretër dhe 19,722 tenda ishin dërguar në zonat e prekura nga tërmeti, raporton The Sun.