AKTUALE

Gjon Gjolaj në festën e 28 Nëntorit të organizuar nga Shoqata “Malësia e Madhe” në New York: Largësia nuk e zbeh dashurinë për vendlindjen dhe kombin

Me rastin e 28 Nëntorit – Ditës së Flamurit dhe të Pavarësisë së Shqipërisë, nënkryetari i Shoqatës Atdhetare “Malësia e Madhe” në Michigan, z. Gjon Gjolaj, së bashku me kryetarin e kësaj shoqate, z. Toni Gojçaj, morën pjesë në darkën festive të organizuar nga Shoqata Atdhetare “Malësia e Madhe” në New York.

Kjo veprimtari festive mblodhi bashkatdhetarë të shumtë, duke dëshmuar edhe një herë lidhjet e forta të komunitetit shqiptar në diasporë dhe përkushtimin për ruajtjen e identitetit, traditave dhe vlerave kombëtare.

Në këtë mbrëmje, z. Gjon Gjolaj dhe z. Toni Gojçaj patën kënaqësinë të takonin edhe kryetarin e Komunës së Tuzit, z. Lindon Gjelaj, si dhe të bashkëbisedonin me bashkatdhetarë e miq të shumtë.

Me këtë rast, z. Gjolaj shprehu mirënjohjen e tij për kryetarin e Shoqatës Atdhetare “Malësia e Madhe” në New York, z. Senad Lulanaj, për ftesën, respektin dhe mikpritjen e ngrohtë, si dhe për Bordin Drejtues dhe të gjithë organizatorët që kontribuuan në organizimin e kësaj mbrëmjeje festive.

Ai theksoi rëndësinë e takimeve të tilla, të cilat forcojnë bashkëpunimin ndërmjet shoqatave shqiptare në diasporë dhe ruajnë lidhjet shpirtërore me vendlindjen.

Pjesëmarrja në këtë festë ishte një dëshmi e miqësisë, respektit dhe bashkimit të shqiptarëve, duke përcjellë mesazhin se dashuria për Malësinë dhe kombin shqiptar nuk njeh kufij e as largësi.

Ja postimi plotë:

Së bashku me Kryetarin e Shoqatës Atdhetare Malësia e Madhe në Michigan, z. Toni Gojçaj, patëm nderin dhe kënaqësinë të marrim pjesë në darkën festive me rastin e 28 Nëntorit, Ditës së Flamurit, të organizuar nga Shoqata Atdhetare Malësia e Madhe në New York.

Ishte kënaqësi e veçantë të ishim në mesin e bashkatdhetarëve tanë dhe të takonim edhe Kryetarin e Komunës së Tuzit, z. Lindon Gjelaj.

Një falënderim i përzemërt për mikun tonë të nderuar, Kryetarin e Shoqatës Malësia e Madhe në New York, z. Senad Lulanaj, për ftesën, respektin dhe mikpritjen e ngrohtë, si dhe për Bordin Drejtues dhe të gjithë organizatorët e kësaj mbrëmjeje të mrekullueshme.

Takime të tilla na kujtojnë se, pavarësisht largësisë, dashuria për vendlindjen dhe bashkimi mes shqiptarëve mbeten gjithmonë të forta.

🇦🇱 Gëzuar 28 Nëntorin të gjithë shqiptarëve, kudo që janë!

Zoti e bekoftë Malësinë dhe mbarë kombin shqiptar! 🇦🇱🇺🇸

Banner

Related posts

VLEN: Gënjeshtrat e BDI-se po çmontohen për çdo ditë!

Gjyla Halili

LAJMI I FUNDIT: Presidenti Trump pajtohet për armëpushim 2-javor me Iranin, shtyhet kërcënimi për fushatë të gjerë bombardimesh

Gjyla Halili

Bajram Rexhepi merr pjesë në “Ditën e fasules së Tetovës dhe patates së Sharrit” në fshatin Vicë

Gjyla Halili