Më 16.07.2026, Myftinia e Tetovës pati kënaqësinë të mirëpresë Dr. Mixhit Osmanin, zëvendëskryetar i Komunitetit Mysliman Shqiptar të Zvicrës (KMSHZ), i cili u prit nga Myftiu i Tetovës, Dr. Selver Xhemaili.
Gjatë takimit u zhvillua një bisedë vëllazërore dhe mjaft frytdhënëse, ku u diskutua për aktivitetet fetare, arsimore dhe kulturore të të dy institucioneve, si dhe për rëndësinë e forcimit të bashkëpunimit ndërmjet institucioneve islame në trojet shqiptare dhe në diasporë.
Myftiu Dr. Selver Xhemaili e falënderoi Dr. Mixhit Osmanin për vizitën, duke vlerësuar kontributin e Komunitetit Mysliman Shqiptar të Zvicrës në ruajtjen e identitetit fetar e kombëtar të bashkatdhetarëve tanë në mërgatë.
Nga ana e tij, Dr. Osmani shprehu mirënjohjen për mikpritjen dhe vlerësoi angazhimin e Myftinisë së Tetovës në shërbim të besimtarëve dhe të shoqërisë.
