Një sipërfaqe e madhe me kallamishte është djegur nga zjarri që shpërtheu pasditen e djeshme në rrethinën e Ohrit.
Këtë informacion e ka bërë të ditur Njësia Territoriale e Zjarrfikësve (NJTZ) Ohër, nga ku shtojnë se nga zjarri përveç kallamit janë përfshirë edhe pemishtet, ndërsa për shkak të erës së fortë kishte rrezik edhe në djegien e shtëpive përreth.
“Ka pasur rrezik real që nga era e fortë të rrezikohen shtëpitë e afërta, të cilat kanë qenë të mbrojtura për më shumë se katër orë”, thonë nga Njësia Territoriale e Zjarrfikjes nga Ohri.
Nga aty nuk tregojnë konkretisht nëse zjarri ka qenë zjarrvënie, por thonë se autorët që kanë vënë zjarret duhet të dënohen.
