Gjykata Themelore në Ferizaj ia ka caktuar masën e paraburgimit prej një muaji të pandehurit, të dyshuar për vrasjen e 21-vjeçares më 12 prill, si dhe mbajtje në pronësi, kontroll ose posedim të paautorizuar të armës.
Më 12 prill, i pandehuri është thënë të ketë plagosur edhe vëllain e viktimës, 15 vjeç.
Në vendimin e Gjykatës, të shtunën, është thënë se i pandehuri ka bashkëjetuar më parë me viktimën, dhe që ekziston dyshim i bazuar se me vetëdije e ka kryer vrasjen në orët e pasdites së 12 prillit brenda zyrës së Qendrës për Punë Sociale në Feri
Mediat lokale në Kosovë kanë raportuar se i dyshuari ka qenë ish-bashkëshorti i viktimës dhe se ata e kanë një fëmijë.
Arma e zjarrit është konfiskuar prej Policisë së Kosovës.
Zyrtarë të lartë shtetërorë e kanë dënuar ashpër vrasjen dhe kanë bërë thirrje për drejtësi.
Nga viti 2010 në Kosovë janë vrarë 56 gra./rel