Një 72-vjeçar turk, i identifikuar si Kamil Ö. ka rënë në prangat e policisë, pasi akuzohet se ka qëlluar nusen e djalit me pushkë e më pas i ka vënë flakën trupit të pajetë.
Ngjarja e rëndë ndodhi në lagjen “Seydikemer” të Muğla, ndërsa vjehrri i zhdukur pas ngjarjes, është gjetur brenda pak kohësh nga ekipet e xhandarmërisë në zonën pyjore ku fshihej.
Kamil Ö., 72 vjeç, me banim në lagjen “Atlıdere” ka pasur një diskutim të fortë me nusen e djalit. Pas diskutimit, nusja doli nga shtëpia dhe shkoi në hambarin ngjitur.
Në këtë momenti, vjehrri mori pushkën që mbante në banesë dhe i shkoi nga mbrapa nuses, duke e qëlluar brenda në hambar.
Më pas, për të humbur gjurmët, ai e dogji trupin e nuses, Hatice Ö. dhe u largua nga vendi i ngjarjes. Ishin fqinjët që morën në telefon policinë, e cila shkoi menjëherë në vendin e ngjarjes dhe nisi hetimet përkatëse.
Viktima u konstatua e vdekur në vendin e ngjarjes, ndërsa trupi i saj u dërgua në morgun e qytetit. Ndërkohë, autori pas arrestimit u dërgua në ambientet e komisariatit, ndërsa akuzohet për vrasje me dashje.