Sot patëm nderin të na vizitojnë anëtarë të Shoqatës për Kulturë dhe Solidaritet “Üsküp” (Shkupi) me seli në Stamboll. Me kryetarin e kësaj shoqate, z. Naim Aras, me prejardhje nga një familje fisnike e vjetër shkupjane e me të cilin njihemi nga viti 1991, kur e realizuam edhe vizitën e parë si delegacion i BI-së në Turqi, për të cilën ai kontribuoi tejmase.
Gjatë kësaj vizite të shkupjanëve të vjetër evokuam shumë kujtime si dhe bëra një retrospektivë të historikut të Shkupit si qendër e sanxhakut, vilajetit dhe qytetit modern.
Ishte kjo një vizitë, para së gjithash e këndshme, që i ktheu reminishencat e shkupjanëve për kohën kur kanë jetuar këtu.
