Një burrë është arrestuar pasi u pa duke ecur lakuriq në aeroportin ndërkombëtar Dallas-Fort Worth.
Në videon e siguruar nga kamerat e sigurisë, ai shihet duke ecur shumë i qetë dhe pa asnjë bagazh me vete. Në video shihet gjithashtu duke ecur para një restoranti që shërben ushqime të shpejta, brenda Terminalit C të aeroportit.
Kur pa një kalimtar që po e filmonte, ai qeshi duke tundur kokën dhe i drejtoi gishtin, më pas vazhdoi rrugën e tij.
Ai u kap nga policia dhe u dërgua për një vlerësim psikiatrik. Nuk ka asnjë detaj tjetër lidhur me këtë incident dhe nuk dihet nëse mbi këtë person rëndon ndonjë akuzë, apo rrethanat që e çuan të dilte lakuriq.
Top Channel