Valdet Xhaferi nga Bashkimi Demokratik për Integrim në emisionin ONTIME në Televizionin Koha bëri të ditur se BDI që para një viti ka dal me konceptin që të krijohet fronti evropian në zgjedhjet e dyfishta, presidenciale dhe parlamentaret e 8 majit.
“BDI ka dal me konceptin që të krijohet fronti evropian në zgjedhjet e dyfishta. E para të ruhet vija integruese e Maqedonisë së Veriut, të ruhen shtyllat kryesore si Marrëveshja e Ohrit, Marrëveshja e Prespës dhe e gjitha kjo të rrumbullakësohet me ndryshimet kushtetuese. Sigurisht që slogani do të jetë PO Evropës, Jo Rusisë. BDI tashmë 20 vite ka marrë legjitimitetin e popullit dhe në këto zgjedhje do të jetë fituese në bllokun shqiptarë”, tha Valdet Xhaferi nga BDI .
