Me ftesë të ministrit pa portofol në Qeverinë e Republikës së Maqedonisë së Veriut, z. Shaban Saliu, përfaqësuesi i BFI-së në emër të Reisul Ulema, H. Hfz. Shaqir Ef. Fetai, drejtori i informacionit dhe botimeve, Fidush Ibraimi mori pjesë në akademinë solemne me rastin e shënimit të 8 Prillit, ditës ndërkombëtare të romëve. Përfaqësuesi i BFI-së, në emër të Reisul Ulema-së, uroi ministrin për këtë ditë të veçantë për komunitetin rom dhe vlerësuan se kjo është një mundësi e mirë për kultivimin e diversitetit në shoqërinë tonë dhe se të gjithë duhet të bëjnë më të mirën për përfshirjen sa më të gjerë në rrjedhat e zhvillimeve politike dhe shoqërore për të artikuluar kërkesat dhe nevojat e qytetarëve, sidomos të komunitetit rom. Pjesë e këtij manifestimi ishin edhe kryeparlamentari, z. Afrim Gashi, kryeministri, z. Hristijan Mickovski, deputetë, ministra dhe përfaqësues të korit diplomatik në vend. 
