I ftuar në Daily Click në TV21, kryetari i komunës së Kërçovës, tha se gjatë 3 mandateve sa ai ka udhëhequr me komunën, janë realizuar shumë punime dhe projekte ndonëse siç thotë, kjo nuk është e mjaftueshme. Dehari tha se jeta e kërçovarëve ka ndryshuar dhe se janë të fokusar që të bëjnë akoma më shumë.
“Janë realizuar punime, projekte. Padyshim se nuk është mjaftueshëm për aq sa meritojnë qytetarët e Kërçovës. Gjithmonë jemi të koncentruar që të bëjmë më shumë, atë që e meritojnë. Shkurt thënë, kualiteti i jetesës së qytetarëve, brenda një periudhe të mandatit 3 vjeçar ka ndryshuar por vazhdojmë për të realizuar akoma më shumë”, tha Fatmir Dehari në Daily Click.