Në prag të 1 Qershorit, Ditës Ndërkombëtare të Fëmijëve, një pjesë e stafit të Telekomit të Kosovës vizituan familjet strehuese në komunën e Vitisë, ku panë nga afër përpjekjet fisnike të familjeve për ngushëllimin e një pjese të fëmijëve që kanë mbetur pa përkujdesjen prindërore.
Në një atmosferë që ngroh zemrat e me shumë aktivitete, Telekomi i Kosovës u ndau këtyre fëmijëve dhurata simbolike për t’i bërë të ndihen se nuk janë vetëm dhe ne si shoqëri jemi këtu për t’u ofruar mbështetje e dashuri pafund 💞.
Ky aktivitet u organizua në bashkëpunim me Organizatën për Fëmijët pa Kujdes Prindëror – OFAP, si pjesë e përkushtimit tonë për të qenë afër atyre që kanë më së shumti nevojë për përkujdesje dhe solidaritet.
Në kuadër të kësaj nisme, Telekomi i Kosovës ofroi mbështetje konkrete për OFAP, përmes dhurimit të shërbimeve të internetit dhe telefonisë mobile, me qëllim lehtësimin e punës së tyre të përditshme me fëmijët dhe familjet strehuese.
