Ish-prokurorja Lejla Kadriu ka komentuar vendimin e Gjykatës së Tetovës lidhur me rastin e zjarrit tragjik në Spitalin Modular, ku ish-drejtorët e Spitalit janë dënuar me nga 1 vit e 6 muaj burg.
Përmes një postimi në rrjetet sociale, Kadriu ka shprehur pakënaqësinë e saj me vendimin gjyqësor dhe ka akuzuar për padrejtësi institucionale, duke theksuar se personat e dënuar janë viktima të një sistemi jo të drejtë ligjor.
“Spitalin modular e kanë ndërtuar Filipçja dhe Angjushevi. Çelësat në dorë, të kryme ua kanë dhënë. Këta a dashtë të lirohen. Këta janë viktima të shtetit jo ligjor. TURP,” shkroi Kadriu.
Vendimi ka ngjallur reagime të ndryshme në opinionin publik, me shumë që kërkojnë përgjegjësi më të lartë për tragjedinë që mori dhjetëra jetë njerëzish në shtator të vitit 2021.