Halil Snoçe nga VLEN në Click Plus në TV21 tha se Ligji për Përfaqësim të Drejtë dhe Adekuat që po përgatit VLEN, do të mundësojë përfaqësim në të gjitha instancat, madje edhe në pozita ku shqiptarët nuk kishin qasje përmes mekanizmit të Balancuesit. Snopçe tha se shqiptarët nuk kanë pasur përfaqësim në të gjitha instancat në Ministrinë e Punëve të Brendshme dhe në Ministrinë e Mbrojtjes.
Në fakt jo në të gjitha instancat shqiptarët kanë përfaqësim të drejtë. Posaçërisht në instancat e MPB-së, në organet e sigurisë, në mbrojtje, në njësitin “Tigrat” për shembull. Pra, me Ligj për Përfaqësim të Drejtë dhe të Barabartë ne do të sigurojmë përfaqësim të drejtë të gjitha komuniteteve, para se të gjitha shqiptarëve, në të gjitha instancat pa përjashtim. Më mirë se kanë pasur deri sot me Balancerin? Normalisht, normalisht. Ligji është i gatshëm, e kam këtu, e kam këtu ligjin. Normalisht, ne nuk do të shkojmë menjëherë të propozojmë, prej kësaj jave, ose më së voni javën e ardhshme, do të nisim me tribunat debative me intelektualë dhe profesionistë, që t’i marrim vërejtjet dhe mendimet e tyre, që ta bëjmë në mënyrën më të përsosur të mundshme dhe kemi pajtueshmëri edhe prej partnerit tonë VMRO-DPMNE, për sjelljen e Ligjit për Përfaqësim të Drejtë dhe të Barabartë, pra Balanceri edhe nëse shfuqizohet nga Gjykata Kushtetuese, zgjidhet me këtë gjë”
